Dünya

Məşhur milyarderdən tövsiyə

15 Dekabr 2024 13:25

Baxış: 1 134

VTB-də minimal faiz dərəcəsi ilə nağd kredit 9.9%-dən

Milyarder investor və "Pantera Capital" şirkətinin qurucusu Den Morehed (Dan Morehead) "Bitcoin"in qızıl üçün üstün alternativ olduğunu qətiyyətlə müdafiə edib.

Milli.Az xəbər verir ki, Morehed, qısa müddət əvvəl verdiyi açıqlamada "Bitcoin"in ənənəvi ehtiyat aktiv olan qızıl ilə müqayisədə üstünlüklərindən bəhs edib və ABŞ-ın iqtisadi siyasətindəki potensial roluna diqqət çəkib.

O, sözlərinə ABŞ-ın ehtiyat aktiv kimi qızıldan asılılığına toxunmaqla başlayıb. "Amerika Birləşmiş Ştatları 600 milyard dollar dəyərində qızıl ehtiyatına sahibdir", - deyən Morehed, bu məbləğin 11 milyon illik Amerika işçi maaşına bərabər olduğunu da əlavə edib. Tarixi əhəmiyyətinə baxmayaraq, qızılın rəqəmsal dövrdə ehtiyat aktiv kimi mövqeyini itirdiyini bildirib.

"Bitcoin"ə keçən Morehed onu dəyər saxlamaq baxımından qızıldan "daha üstün" kimi təsvir edib. "Bitcoin"in rəqəmsal təbiəti, nadirliyi və qlobal əlçatanlığı onu daha səmərəli və gələcəyə yönəlmiş ehtiyat aktivə çevirdiyini vurğulayıb. "Rəqəmsal qızıl olan "Bitcoin"ə keçin, bu, daha yaxşıdır", - deyə qeyd edib.

Morehed, həmçinin, ABŞ-ın dünyadakı "Bitcoin" təchizatının təxminən 1%-nə sahib olduğunu və bunun həm strateji, həm də məntiqi bir mövqe olduğunu düşündüyünü bildirib. "Bunu qoruyun, artırın", - deyə məsləhət verən Morehed, ABŞ-ın "Bitcoin" aktivlərini genişləndirməsinin müsbət bir siyasət qərarı olacağını əlavə edib.

Eyni zamanda, digər ölkələrin artıq "Bitcoin" əldə etməyə başladığını və ABŞ-ın ehtiyat strategiyasının bir hissəsi kimi "BTC"ni mənimsəməkdə liderlik etməli olduğunu vurğulayıb. /valyuta.az

Milli.Az

Milli.Az - Xəbər Portalı

Məşhur milyarderdən tövsiyə

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?