Dünya

323 şüşə ölümcül virus oğurlandı - Yeni pandemiya gəlir?

11 Dekabr 2024 22:58

Baxış: 569

#XƏSTƏLİK

Avstraliyanın Queensland ştatında bir ictimai səhiyyə laboratoriyasında Hendra, Lyssavirus və Hantavirus viruslarına aid 323 nümunənin oğurlandığı məlum olub.

Milli.Az xəbər verir ki, Səhiyyə Naziri Tim Nicholls bu hadisəni "ciddi bir biotəhlükəsizlik protokolu pozuntusu" olaraq xarakterizə edərək, genişmiqyaslı bir araşdırmanın başladığını açıqladyıb.

Nazirlik, bu cür hadisələrin təkrarlanmaması üçün personalın təlimlərinin artırılması, laboratoriya prosedurlarının yenidən nəzərdən keçirilməsi və icazələrin ciddi şəkildə yoxlanması kimi tədbirlərin həyata keçirildiyini açıqlayıb.

"Silaha çevrilməsi ilə bağlı sübut yoxdur"

Queensland Səhiyyə Direktoru Dr. John Gerrard, itkin virus nümunələrinin yoluxma riskini necə itirə biləcəyi ilə bağlı açıqlama verib.

"Eksponatlar dondurucu şəraitdə saxlanmadığı təqdirdə tez bir zamanda xarab olur və yoluxuculuğunu itirir," deyə Gerrard bildirib.

Dr. Gerrard, virusların pis məqsədlərlə istifadə edilə biləcəyi narahatlıqlarına da toxunaraq əlavə edib:

"Hendra virusunun silaha çevrildiyinə dair əlimizdə heç bir sübut yoxdur. Virusların silaha çevrilməsi prosesi olduqca mürəkkəbdir və bunu həvəskarların edə biləcəyi bir iş deyil." Bu açıqlama bioterrorizm qorxularını bir qədər sakitləşdirib.

"İctimai sağlamlıq üçün aşağı risk daşıyır"

Queensland-ın Baş Səhiyyə Rəsmisi Dr. John Gerrard, itkin virus nümunələrinin ictimai sağlamlıq üçün aşağı risk daşıdığını vurğulayıb:

"Düşük temperaturda saxlanılmayan virus nümunələri tez xarab olur və yoluxdurma xüsusiyyətlərini itirir," deyə o, ictimaiyyətdə yaranan narahatlıqları azaltmağa çalışıb.

Lalə Qüdrətova
Milli.Az