Dünya

Lukaşenko Putini evinə dəvət etdi

7 Dekabr 2024 06:47

Baxış: 751

#BELARUS

Belarus Prezidenti Aleksandr Lukaşenko Rusiya lideri Vladimir Putini evinə dəvət edib.

Milli.Az xəbər verir ki, Ali Dövlət Şurasının iclasından sonra dövlət başçıları işlərini ev şəraitində davam etdirirlər. Bu barədə Belarus prezidentinin mətbuat xidmətinə yaxın olan "Pool One" Telegram kanalı məlumat verib.

Məlumatda deyilir: "Liderlər Müstəqillik Sarayında üç saat ərzində işlədilər. İş evdə davam edir. İlk olaraq (Lukaşenko - red.) 'böyük qardaşı' (Putin - red.) evinə dəvət etdi."

Bundan əvvəl Belarus və Rusiya prezidentləri Birlik Dövləti Ali Dövlət Şurasının iclasını keçiriblər. Bu iclasın nəticəsi olaraq qarşılıqlı təhlükəsizlik zəmanətləri haqqında razılaşma da daxil olmaqla bir sıra sənədlər qəbul olunub.

Lalə Qüdrətova
Milli.Az