Dünya

“Müharibəni dayandırmaq üçün "çətir” lazımdır"

30 Noyabr 2024 07:50

Baxış: 1 033

VTB-də minimal faiz dərəcəsi ilə nağd kredit 9.9%-dən

#RUSİYA-UKRAYNA MÜHARİBƏSİ

Volodimir Zelenski Ukraynanın nəzarətində olan ərazilərin "NATO çətiri altına" alınması şərti ilə atəşkəs sazişinin imzalana biləcəyini təklif edib. O, qalan ərazilərin isə "diplomatik yollarla" geri qaytarılması üçün danışıqların aparıla biləcəyini bildirib.

Milli.Az xəbər verir ki, Sky News-un baş müxbiri Stüart Ramsay ilə müsahibəsində Ukrayna prezidenti ABŞ-ın yeni seçilmiş prezidenti Donald Trampın müharibəni dayandırmaq üçün planlarından birinin, Ukraynanın NATO-ya qoşulması müqabilində Moskvanın işğal etdiyi torpaqların Rusiyaya verilməsi olduğu barədə mediada yayılan xəbərlərə münasibət bildirib.

Cənab Zelenski bildirib ki, müharibənin "isti fazasını" bitirmək üçün NATO üzvlüyü Ukraynanın nəzarətində olan ərazilərə şamil edilməlidir, şərtlə ki, NATO-nun dəvəti Ukraynanın beynəlxalq səviyyədə tanınan sərhədlərini tanısın.

O, ölkənin işğal olunmuş şərq bölgələrinin müvəqqəti olaraq belə bir sazişin kənarında qalacağını qəbul edirmiş kimi görünürdü.

Volodimir Zelenskinin açıqlamaları:

"Müharibənin isti fazasını dayandırmaq istəyiriksə, Ukraynanın nəzarətimizdə olan ərazilərini NATO çətiri altına almalıyıq," deyə o bildirib.

"Bunu tez etmək lazımdır. Daha sonra Ukrayna işğal olunmuş əraziləri diplomatik yollarla geri qaytara bilər."

Cənab Zelenski, atəşkəsin Putinin Ukraynanın daha çox ərazilərini ələ keçirmək üçün geri qayıtmamasını təmin etmək üçün lazım olduğunu qeyd edib.

O bildirib ki, NATO Kiyevin nəzarətində olan Ukraynanın hissələrini "dərhal" əhatə etməlidir və bu, Ukraynanın "çox ehtiyac duyduğu" bir addımdır, əks halda Putin yenidən geri qayıda bilər.

Lalə Qüdrətova
Milli.Az

Milli.Az - Xəbər Portalı

“Müharibəni dayandırmaq üçün "çətir” lazımdır"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?