Dünya

FTB-nin "ən çox axtarılanlar" siyahısında idi : 20 ildən sonra tutuldu - FOTO

28 Noyabr 2024 20:23

Baxış: 317

#DÜNYADA #ABŞ

Federal Təhqiqat Bürosu (FTB) 'ən çox axtarılanlar' siyahısında olan şəxsi yaxalayıb.

Milli.Az xarici mətbuata istinadən xəbər verir ki, Daniel Andreas San Dieqonun 20 ildən sonra İngiltərənin Uels bölgəsində ələ keçirildiyi açıqlanıb. Dieqo 2003-cü ildə San-Fransisko bölgəsində üç ayrı partlayışa görə axtarışda olub.

Daniel Andreas San Dieqo 2003-cü ilin avqustunda Kaliforniya ştatının Emeryville şəhərində biotexnologiya şirkətinin kampusunda təxminən bir saat fərqlə iki bomba partlatdığı üçün axtarışda idi. Dieqo həmçinin 2003-cü ilin sentyabrında Kaliforniya ştatının Pleasanton şəhərində qida məhsulları şirkətində mismarlarla bərkidilmiş bombanın partlatılmasına görə məsuliyyət daşıyırdı.

FTB Dieqonun başına 250 min dollar mükafat qoyub və onun adını ən çox axtarılanlar siyahısına əlavə edib.

Fidan
Milli.Az