Dünya

Bu ölkədə vətəndaşlara nüvə əleyhinə dərmanlar paylanılır - hər an...

21 Noyabr 2024 16:00

Baxış: 2 008

VTB-də minimal faiz dərəcəsi ilə nağd kredit 9.9%-dən

#DÜNYADA #III DÜNYA MÜHARİBƏSİ

Rusiyanın Ukraynanın kritik nöqtələrinə ballistik raket zərbəsi endirməsi iki ölkə arasında münaqişəni daha təhlükəli həddə çatdırıb. Mütəxəssislər bu cür hücumların arta və daha geniş nüvə təhlükəsi yarada biləcəyini qiymətləndirirlər. Xüsusilə Qərb ölkələrinin Ukraynaya verdiyi hərbi dəstəkdən sonra Rusiyanın nüvə çəkindirmə mesajları narahatlıqları artırıb.

Milli.Az musavat.com-a istinadən xəbər verir ki, bu hadisələr fonunda Danimarka hökuməti öz vətəndaşlarını nüvə radiasiya təhlükəsindən qorumaq üçün yod həbləri yığmağa başlayıb. Danimarka Müdafiə Nazirliyindən verilən açıqlamada bu addımın ehtiyat tədbiri olduğu və ictimaiyyətin təhlükəsizliyini təmin etmək məqsədi daşıdığı bildirilib.

Nüvə qəzaları və ya partlayışlar zamanı radioaktiv yod havaya buraxıla bilər. Tənəffüs yolu ilə alınan, yaxud qida və içki ilə qəbul edilən radioaktiv yod qalxanabənzər vəzində çökür və xərçəng riskini artırır.

Lakin yod həbləri yalnız radioaktiv yoda qarşı təsirlidir. Digər radioaktiv maddələrə qarşı qorunma təmin etmir. Yod tabletlərinin yalnız səlahiyyətli orqanların tövsiyəsi ilə və müəyyən hallarda istifadə edilməli olduğu vurğulanır.

Milli.Az