Dünya

Polis rəisinin evində milyonlarla avro narkotik pulları tapıldı - İspaniyada qalmaqal

9 Noyabr 2024 15:21

Baxış: 1 371

VTB-də minimal faiz dərəcəsi ilə nağd kredit 9.9%-dən

Madriddə Milli Polis Baş İdarəsinin İqtisadi Cinayətlərlə Mübarizə Şöbəsinin rəisi həbs edilib. O, əməliyyatlar zamanı müsadirə edilmiş narkotik vasitələrin və taksi sürücüləri üçün lisenziyaların satışında şübhəli bilinir. Rəisin evinin divarlarında 20 milyon avrodan çox pul aşkarlanıb.

Milli.Az oxu.az-a istinadən xəbər verir ki, bu barədə "Vozpopuli" məlumat yayıb.

Nəşrin yazdığına görə, bundan başqa, rəisin ofisində daha bir milyon avro və taksi sürücüləri üçün onlarla VTC lisenziyası aşkar edilib. Hazırda onun bu lisenziyaları "qara bazar"da satdığı, yoxsa bu lisenziyaların onun başqa biznesi üçün alət olduğu araşdırılır.

Məlumata görə, korrupsiya ilə mübarizə şöbəsinin rəisi bir neçə həftə ərzində izlənilib. Onun biznes fəaliyyətini "Real Madrid" və "Atletiko" (Madrid) futbol klublarının stadionlarındakı VIP lojalarda həyata keçirdiyi güman edilir.

Qeyd olunur ki, onun həbsi hüquq-mühafizə orqanları əməkdaşları arasında böyük təəccüblə qarşılanıb.

O da vurğulanır ki, məhkəmə prosesi məxfi elan edilib, əməliyyat davam edir və yeni həbslər istisna deyil.

Milli.Az