Dünya

Ərdoğan Trampla hansı məsələləri müzakirə etmək istəyir?

8 Noyabr 2024 15:50

Baxış: 322

Türkiyə Prezidenti Rəcəb Tayyib Ərdoğan ABŞ-də prezident seçkilərində qalib gələn Donald Trampla Amerika qoşunlarının Suriyadan çıxarılmasını müzakirə etmək niyyətindədir.

Milli.Az qafqazinfo.az-a istinadən xəbər verir ki, Ərdoğan bu barədə Budapeştdən geri qayıdarkən jurnalistlərə açıqlamasında danışıb.

Onun sözlərinə görə, yeni müddətdə Donald Trampla təmaslar davam etdiriləcək: "Bunu əvvəllər olduğu kimi telefon diplomatiyası vasitəsilə edəcəyik. Məsələn, ABŞ qoşunlarının Suriyadan çıxarılması, terrorçu Kürdüstan İşçi Partiyasına (PKK) dəstəyin dayandırılması məsələlərini dəyərləndirəcəyik".

Türkiyə lideri, həmçinin qeyd edib ki, Trampın əvvəlki prezidentliyi dövründə onunla təmaslarda problem olmayıb: "Düşünmürəm ki, bu müddətdə də problem olsun".

Xatırladaq ki, Ərdoğan noyabrın 7-də Budapeştdə Avroya Siyasi Birliyinin sammitində iştirak edib.

Milli.Az