Dünya

İsmayıl Qaani İsrail casusu idi – Hüseynidən şok

11 Oktyabr 2024 16:14

Baxış: 1 355

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN

İsmayıl Qaani sionist casusudur və müqavimət hərəkatına xəyanət edib. O, müqavimət hərəkatına bağlı şəxsləri İsrailə satıb, Qasm Süleymani, Həsən Nəsrullah, İsmayıl Haniyə və başqalarının ölümünə görə günahkardır.

Milli.Az axar.az-a istinadən xəbər verir ki, bu barədə Ərəb İslam Şurasının baş katibi Seyid Məhəmməd Əli Əl-Hüseyni "Əl-Ərəbiyyə" telekanalına müsahibəsində deyib.

"O, (İsmayıl Qaani - red.) İsrailin Beyrutun cənubuna endirdiyi hava zərbələri nəticəsində ölüb, bu, bütün satqınların aqibətidir", - Əl-Hüseyni bildirib.

Xatırladaq ki, Seyid Məhəmməd Əli Əl-Hüseyni bundan əvvəl Həsən Nəsrullaha xəbərdarlıq edərək, onun İran tərəfindən satıldığını və öldürüləcəyi barədə xəbərdarlıq etdikdən bir neçə gün sonra Nəsrullah öldürüldü.

Qeyd edək ki, 27 sentyabrda İsrailin Beyrutun cənubuna endirdiyi hava zərbələrindən sonra İsmayıl Qaani ilə əlaqə kəsilib. Bəzi mənbələr onun həmin zərbələr nəticəsində öldürüldüyü, bir sıra mənbələr isə onun İranda ev dustağı olduğu, Həsən Nəsrullahın öldürülməsinə görə dindirildiyini bildirsələr də, bunların heç biri rəsmi şəkldə təsdiqlənməyib.

Tehran rəsmiləri Qaaninin sağ olduğunu və yaxın günlərdə Əli Xameneinin ona "Fəth" nişanı verəcəyini iddia edirlər.

Milli.Az

Xəbərlərimizi WhatsApp kanalımızdan da oxuyun