Dünya

Sorğu: Harris vətəndaşlar arasında dəstək baxımından Trampı qabaqlayır

4 Avqust 2024 22:51

Baxış: 1 275

VTB-də minimal faiz dərəcəsi ilə nağd kredit 9.9%-dən

#ABŞ

ABŞ-ın vitse-prezidenti Kamala Harris 2024-cü ilin noyabrında keçiriləcək seçkilərdə səs verəcək vətəndaşlar arasında dəstək baxımından keçmiş dövlət başçısı Donald Trampı qabaqlayır.

Milli.Az report.az-a istinadən xəbər verir ki, bu barədə "CBS News" YouGov təşkilatı ilə birgə keçirdiyi sosioloji sorğunun nəticələrinə istinadən məlumat yayıb.

İyulun 30-dan avqustun 2-dək aparılan sorğuda 3102 qeydə alınmış seçici iştirak edib. Qeyd olunub ki, respondentlərin 50%-i Harrisə səs verməyə hazır olduqlarını bildiriblər. Eyni zamanda, səsvermə sorğu ilə eyni gündə keçirilsəydi, respondentlərin 49%-i Trampı dəstəkləyəcəkdi.

Sorğuda iştirak edənlər ABŞ-ın vitse-prezidentini müxtəlif səbəblərdən dəstəklədiklərini açıqlayıblar.

Belə ki, onların 41 faizi keçmiş dövlət başçısının hakimiyyətə qayıtmasını istəmir. Daha 34% Harrisi şəxsi simpatiyasına görə, respondentlərin 24%-i isə Demokratik Partiyaya mənsub olduğuna görə dəstəkləyə bilər.

ABŞ-da prezident seçkiləri noyabrın 5-də keçiriləcək. Demokratlar Partiyasını hazırkı prezident Co Baydenin təmsil edəcəyi güman edilirdi. Bununla belə, iyulun 21-də o, yenidən dövlət başçısı seçilməkdə iştirak etməyəcəyini və vitse-prezident Kamala Harrisin namizədliyini dəstəklədiyini bəyan edib.

Milli.Az
Xəbərlərimizi WhatsApp kanalımızdan da oxuyun