Dünya

Bu ölkədə əhalinin sayı azalır

25 İyul 2024 15:36
Baxış: 1 471
VTB-də minimal faiz dərəcəsi ilə nağd kredit 9.9%-dən
#YAPONİYA #STATİSTİKA

Yaponiyanın ümumi əhalisi keçən il yarım milyondan çox azalıb.

Milli.Az qafqazinfo-ya istinadən xəbər verir ki, bu haqda Yaponiya Daxili İşlər Nazirliyi açıqlama yayıb.

Bildirilib ki, 2023-cü ildə diri doğulan körpələrin sayı 730 minlə indiyə qədərki ən aşağı səviyyədə qalıb.

Keçən il ölənlərin sayının 1,58 milyon olaraq qeyd edildiyi Yaponiyada ümumi əhali ardıcıl 15-ci ildir ki, yarım milyondan çox azalıb.

2024-cü il yanvarın 1-nə ölkə əhalisinin sayı 124,9 milyon nəfər olub.

Yaponiyada yaşayan əcnəbilərin sayı 11 faiz artaraq ilk dəfə 3 milyonu keçib.

Hazırda ümumi əhalinin təxminən 3 faizini təşkil edən əcnəbilər əsasən 15-64 yaş qrupunda olan əmək qabiliyyətli insanlardır.

2024-cü il büdcəsinin bir hissəsi olaraq, hökumət gənc cütlükləri daha çox uşaq sahibi olmağa təşviq etmək üçün 34 milyard dollar ayırıb.

Yaponiya əhalisinin 2070-ci ilə qədər təxminən 30 faiz azalaraq 87 milyona çatacağı, hər 10 nəfərdən dördünün 65 və daha yuxarı yaşda olacağı proqnozlaşdırılır.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.