Dünya

Öskürməyin qiyməti: Britaniyada işçi müdirindən 33 min dollar qazandı - FOTO

17 İyul 2024 11:31

Baxış: 1 230

VTB-də minimal faiz dərəcəsi ilə nağd kredit 10.49%-dən

#MARAQLI #HADİSƏ #BRİTANİYA

Britaniyada baş verən maraqlı bir hadisə dünya mediasının diqqət mərkəzinə düşüb. Belə ki, britaniyalı qadın üzünə öskürən rəisinə qarşı 33 000 dollar məbləğində iddianı qazanıb.

Milli.Az oxu.az-a istinadən bildirir ki, bu barədə "The Guardian"a istinadla xəbər verib.

Sağlamlıqla bağlı problem yaşayan qadın pandemiya dövründə 62 yaşlı Kevin Devis tərəfindən lağa qoyulub və qorxudulub.

Qadın "Cawdor Cars" avtomobil satış şirkətində işləyib. O, autoimmun xəstəlikdən əziyyət çəkdiyi üçün COVID-19 pandemiyası zamanı həmkarlarından sosial məsafəni qorumalarını xahiş edib. Lakin rəis işçinin xahişinə reaksiya verməyib, hətta qəsdən və ucadan onun üzünə öskürərək, onun gülünc davrandığını deyib.

Bundan sonra qadın işdən çıxmağa və məhkəməyə müraciət etməyə məcbur olub. Rəhbərliyin münasibəti qərarın qəbul edilməsinə təsir edən əsas amil olub.

"O, mənim sağlamlıq vəziyyətimdən xəbərdar idi. Bilirdi ki, qəbul etməli olduğum dərmanlar səbəbindən immunitetim yoxdur, buna baxmayaraq qəsdən üzümə öskürdü", - deyə qadın bildirib.

Məhkəmə işçiyə 33 000 dollar məbləğində kompensasiya ödənilməsinə qərar verib.

Təzminatın böyük hissəsini "Cawdor Cars" şirkəti ödəyəcək, rəis isə ədalətsiz işdən çıxarılmaya görə təxminən 5 000 dollar təzminat verəcək.

Milli.Az
Xəbərlərimizi WhatsApp kanalımızdan da oxuyun