Dünya

Pezeşkianla Ərdoğan hansı dildə danışıblar?

11 İyul 2024 17:00
Baxış: 2 242
VTB-də minimal faiz dərəcəsi ilə nağd kredit 9.9%-dən
#IRAN #TÜRKİYƏ #RƏCƏB TAYYİB ƏRDOĞAN

İki gün əvvəl Türkiyə Prezidenti Rəcəb Təyyib Ərdoğanla İranın yeni Prezidenti Məsud Pezeşkian arasında baş tutan telefon danışığında hansı dildən istifadə edildiyi barədə məlumat yayılıb.

Milli.Az axar.az-a istinadən bildirir ki, bu barədə şərhçi və jurnalist Azər Məhdəvan özünün X hesabında yazıb.

O, Məsud Pezeşkianın təklifi ilə prezidentlərin tərcüməçi vasitəsilə danışdıqlarını bildirib.

"Ərdoğan telefon danışığı zamanı Pezeşkiandan soruşub ki, bundan sonra farsca, yoxsa türkcə danışaq? Pezeşkian isə cavabında bildirib ki, Azərbaycan türkcəsi anlayışları qarşılıqlı başa düşməkdə çətinlik yarada bilər, farsca danışmaq daha yaxşıdır. Onlar tərcüməçi vasitəsilə fars dilində danışıblar", - Məhdəvan yazıb.

Qeyd edək ki, Azərbaycan Prezidenti İlham Əliyev və Məsud Pezeşkianın 3 gün əvvəl telefon əlaqəsi zamanı hansı dildə danışdıqları barədə sosial media suallar səsləndirilsə də, heç bir tərəfdən buna cavab verilməyib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.