Maraqlı

Su şüşələrindəki xətlərin səbəbi bəlli oldu

14 Sentyabr 2026 08:08

Baxış: 1 041

VTB-də minimal faiz dərəcəsi ilə nağd kredit 9.9%-dən

#MARAQLI

Plastik su şüşələrinin üzərindəki üfüqi zolaqların estetik narahatlıqla deyil, şüşənin əldə sıxılmasının qarşısını almaq məqsədilə hazırlanmış struktur qabırğalar olduğu açıqlanıb.

Milli.Az xəbər verir ki, material mühəndisləri nazik PET plastikdən istehsal olunan qabların deformasiyaya uğramasının qarşısını almaq üçün bu təzyiqi yayma üsulundan istifadə edirlər. İstehsalçılar bu xətt arxitekturası sayəsində plastik istifadəsini minimuma endirərək həm tullantı miqdarını azaldır, həm də daşınma xərclərini aşağı salırlar.

Şüşələrin üzərindəki üfüqi xətlər nə işə yarayır?
Silindrik səthə əlavə olunan novlu strukturlar tutma anında tətbiq olunan xarici təzyiqi bütün səthə bərabər şəkildə yayır. Bu dizayn ultra yüngül və nazik plastikin tutma zamanı öz-özünə içəri çökmsəinin qarşısını alır. Logistika mərhələsində üst-üstə düşən poddon yükünə qarşı müqavimət təmin edən şaquli davamlılıq yenə də bu qabırğa quruluşu vasitəsilə əldə edilir.

Plastik səthdəki dizayn hansı problemlərin qarşısını alır?
Soyuducudan çıxarılan soyuq şüşələrdə əmələ gələn nəmlik hamar səthləri sürüşkənləşdirərək tutmağı çətinləşdirir. Xətlərin əmələ gətirdiyi nahamar toxuma sürtünməni artıraraq şüşənin əldən sürüşməsinin qarşısını alır. Temperatur dəyişikliklərinə bağlı olaraq genləşən və ya yığılan plastik material bu xətlər sayəsində elastiklik nümayiş etdirərək alt hissənin balansını qoruyur.

Müəllif: Ülkər Vəliyeva (Milli.Az redaktor)