Yeni Kaledoniyadakı iğtişaşlar Fransanın neokolonial siyasətinin uğursuzluğunu sübut edir - La Gazette du Caucase

Yeni Kaledoniyadakı iğtişaşlar Fransanın neokolonial siyasətinin uğursuzluğunu sübut edir.

Milli.Az Trend-ə istinadən bildirir ki, bu barədə Fransanın La Gazette Du Caucase nəşrində dərc olunan məqalədə deyilir.

Materialın müəllifləri qeyd edir ki, Fransa neokolonializmindən əziyyət çəkən Afrika və Asiya xalqları bu gün Azərbaycandan mühüm dəstək görür.

"Qoşulmama Hərəkatının ozamankı sədri Azərbaycan 2023-cü ilin iyulunda müstəmləkəçiliyin tam ləğvini hədəfləyən Bakı Təşəbbüs Qrupunu yaradıb. Qrup muxtariyyət və ya müstəqillik tələb edən xalqları dəstəkləmək və onların BMT-nin müstəmləkəçilikdən azad edilməli ölkələr siyahısına daxil edilməsinə nail olmaq məqsədi daşıyır. Bu siyahıya artıq Fransa Polineziyası və Yeni Kaledoniya daxildir. Metropoliyanın hüdudlarından kənarda daha böyük sahədə ərazilərə malik olan Fransa, təbii ki, bu prosesin mərkəzindədir", - deyə məqalədə qeyd olunub.

Bundan başqa, müəlliflər qeyd edir ki, Fransa keçmiş müstəmləkə xalqlarının Bakı ilə yaxınlığından son dərəcə narahatdır və özünün Qarabağdakı separatçı erməniləri fəal şəkildə dəstəklədiyini unudur ki, bu da Fransanın özünün də imzaladığı dörd BMT qətnaməsi ilə ziddiyyət təşkil edir.

"Sol əl sağ əlin etdiklərindən xəbərsiz olduqda... Bu dəstək bu gün Bakı ilə İrəvan arasında Fransanın iştirakı olmadan imzalanan sazişlərin fonunda heç bir əhəmiyyət kəsb etmir.

Məhz enerji ehtiyatları üzərində nəzarət Avropaya hökmranlıq verdi. Bu gün yeni sənaye sahələri üçün zəruri ehtiyatlar Qərbin hüdudlarından kənarda - Afrikada, Yaxın Şərqdə və Asiyada yerləşir. Qərb tərəfindən müstəmləkələşdirilən bu regionların xalqları müstəqil olma prosesindədirlər. Bu, keçmiş əzəməti üçün nisgillənən Qərbin xoşuna gəlməyə bilər, lakin yeni dünya artıq yaranmaqdadır.

Bu yeni dünyanın insanları artıq onlara çürüyən Qərbin vassalları kimin baxılması ilə barışmırlar. Bunu dərk etməyən Qərb öz çöküşünü sürətləndirir, çünki bu xalqları özünün bərabər hüquqlu müttəfiqləri və tərəfdaşları etmək yerinə, o qazana bilmədiyi və son nəticədə diskriminasiya, bəzən isə hətta soyqırım siyasəti vasitəsilə onu daxildən məhv edəcək iqtisadi, mədəni və hərbi müharibədə özü üçün düşmənlər yaradır. Fransa tarixdən geri qalır - bu ölkə üçün kədərli taledir", - deyə sonda qeyd olunub.

Milli.Az
Xəbərlərimizi WhatsApp kanalımızdan da oxuyun