Dünya

Üç ölkə Fələstin dövlətinin tanınmasını istəyir

15 May 2024 12:56

Baxış: 1 664

VTB-də minimal faiz dərəcəsi ilə nağd kredit 9.9%-dən

#DÜNYADA #YAXIN ŞƏRQ #MOROCCO #MƏRAKEŞ #MİSİR #FƏLƏSTİN

Misir, Mərakeş və Birləşmiş Ərəb Əmirlikləri (BƏƏ) münaqişə bitdikdən sonra Qəzza zolağında yerləşdiriləcək sülhməramlı əməliyyatda iştirakla bağlı ABŞ-la ilk məsləhətləşmələri keçirib.

Milli.Az report-a istinadən xəbər verir ki, bu barədə "The Financial Times" qəzeti məlumat yayıb.

"Üç ərəb dövləti - Misir, BƏƏ və Mərakeş - ilkin müzakirələr aparıblar, lakin onlar ABŞ-nin əvvəlcə Fələstin dövlətini tanımasını istəyirlər", - adının açıqlanmasını istəməyən Qərb rəsmisi nəşrə bildirib. Onun sözlərinə görə, ərəb ölkələri ABŞ-nin sülhməramlı qüvvələrə rəhbərlik etməli olduğuna inanır, lakin Vaşinqton yerdə olmadan bunu necə edəcəyini düşünməyə çalışır.

Qəzetin məlumatına görə, Səudiyyə Ərəbistanı da daxil olmaqla digər ərəb dövlətləri hərbçilərinin sülhməramlı missiyada iştirak etmək ideyasını rədd ediblər, çünki belə bir addım İsraili dəstəkləmək kimi qəbul edilə bilər. Bundan əlavə, onlar Qəzza zolağında üsyançılara cəlb olunmaqdan da qorxurlar.

Milli.Az
Xəbərlərimizi WhatsApp kanalımızdan da oxuyun