Dünya

Xarkovda şiddətli döyüşlər: 1600 sakin təxliyə olunur

14 May 2024 00:05
Baxış: 794
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xarkov istiqamətində şiddətli döyüşlər gedir. Bəzi kəndlər əslində müharibə zonasına çevrilib.

Milli.Az axar.az-a istinadən xəbər verir ki, bunu Ukrayna Prezidenti Vladimir Zelenski sosial şəbəkə hesabında bildirib.

Xarkov vilayətinin regional hərbi administrasiyasının rəhbəri Oleq Sinequbov isə sosial şəbəkə hesabında bildirib ki, mülki əhalinin Volçanskdan təxliyəsi davam etdiriləcək - bu gün 1600-ə yaxın yerli sakinin təxliyəsi planlaşdırılır:

"Vəziyyət olduqca mürəkkəbdir, lakin buna ordumuz nəzarət edir. Volçanskda 200-300 nəfər qalıb. Biz daha təhlükəsiz yerlərə təxliyə ilə bağlı insanlarla əlaqə saxlamağa davam edirik".

Ukrayna Baş Qərargahının məlumatına görə, Rusiya bütün cəbhə xətti boyunca zərbələri davam etdirir:

"Xarkov istiqamətində rus qoşunları hücum əməliyyatlarını dayandırmır".

Qeyd olunub ki, rus ordusu Lukyantsi kəndi ərazisində qismən uğur əldə edib, lakin irəliləyiş dayandırılıb.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.