Dünya

Ərdoğanı bu tarixdə ABŞ-da gözləyirlər

10 May 2024 19:24

Baxış: 693

#TÜRKİYƏ #ABŞ #RƏCƏB TAYYİB ƏRDOĞAN

Türkiyə prezidenti Rəcəb Tayyib Ərdoğan iyulun 12-13-də keçiriləcək NATO sammiti ilə əlaqədar ABŞ-a səfər edə bilər.

Milli.Az publika.az-a istinadən xəbər verir ki, bunu ABŞ dövlət katibinin müavini Con Bass Vaşinqtonda keçirilən 39-cu Amerika-Türkiyə Şurasının iclasında çıxışı zamanı deyib.

"Biz iyulda keçiriləcək NATO sammitində prezident Ərdoğanı qəbul etməyi səbirsizliklə gözləyirik. Türkiyə Ukrayna münaqişəsi kontekstində mühüm və müsbət rol oynayıb", - "Yeni Akit" qəzeti Bassın sözlərindən sitat gətirib.

Diplomat həmçinin qeyd edib ki, Ankara bir çox regional böhranların həllində mühüm işlər görüb. Ərdoğanın ABŞ-a səfəri ilkin olaraq mayın əvvəlinə planlaşdırılmışdı, amma təxirə salındı.

Milli.Az
Xəbərlərimizi WhatsApp kanalımızdan da oxuyun