Dünya

Anası da daxil olmaqla, 10-dan çox adamı öldürən rahib azadlığa buraxıldı - FOTO

4 May 2024 10:17

Baxış: 1 502

VTB-də minimal faiz dərəcəsi ilə nağd kredit 9.9%-dən

#QƏTL #CİNAYƏT #HƏBSXANA #MƏHKUM

Anası da daxil olmaqla 10-dan çox adamı qətlə yetirməkdə təqsirli bilinən belçikalı keşiş İvo Poppe 27 il deyil, 6 il həbsdə yataraq səhhətinə görə vaxtından əvvəl azadlığa buraxılıb.

Milli.Az unikal-a istinadən xəbər verir ki, bu barədə Belçikanın "De Standaard" qəzeti məlumat yayıb.

Qəzet bildirib ki, məhkəmə 2018-ci il fevralın 1-də məhkum olunmuş 61 yaşlı (həmin vaxt) Poppeni həbsxanada "prostat vəzi xərçəngindən adekvat müalicə ala bilmədiyi"nə görə azadlığa buraxmağa qərar verib.

O, artıq 27 illik cəzasının 6 il 3 ayını çəkərək həyat yoldaşının müşayiəti ilə həbsxanadan çıxıb.

İvo Poppe, Belçika mediası tərəfindən "ölüm diyakonu" ləqəbini alıb. Onun məhkəməsi dörd ildən çox davam etmişdi.

2013-cü ilin sonunda Belçikanın qərbindəki Vevelgem şəhərindəki bir kilsə keşişi ilə bağlı dəhşətli faktlar üzə çıxmışdı.

O, Menendəki "Sint Joris" xəstəxanasında tibb işçisi kimi çalışarkən onlarla insana evtanaziya etdiyini boynuna alıb. O, bunu əsasən damarlara böyük miqdarda hava daxil etməklə yerinə yetirib. Rahibin sözlərinə görə, həmin anlarda keçirdiyi "güc" hissi onu öldürməyə vadar edib.

Milli.Az
Xəbərlərimizi WhatsApp kanalımızdan da oxuyun