Dünya

Azərbaycanlının öldürdüyü şəxs məşhur imiş

19 Aprel 2024 13:37
Baxış: 2 851
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İki gün öncə Moskvada, Krasnodarskaya küçəsindəki evin həyətində bıçaqlanaraq öldürülən bayker Kirill Kovalyov müxtəlif kino istehsallarında döyüş səhnələrində iştirak edib.

Milli.Az musavat.com-a istinadla xəbər verir ki, Kirill 2010-2020-ci illərin arasında kino çəkilişlərilə maraqlanıb, eyni zamanda, o, airsoftda fəal iştirak edib. Bayker müxtəlif filmlərdə hüquq-mühafizə orqanlarının döyüş səhnələrində iştirak edən bəzi gənc əməkdaşları ilə görüşüb. Bu gənclər çəkiliş meydançasına öz avadanlıqları ilə gəlir, çəkilişlərdə iştirak edir, buna görə qonorar alırlar. Kirill məşhur "İz" serialındakı səhnələrdən birində rol alıb.

Ancaq son bir ildə Kovalyov çəkiliş və airsoft ilə maraqlanmağı dayandırıb. O, bir dostunun şirkətində sistem administratoru kimi işə düzəlib və həm işindən, həm də maaşından kifayət qədər razı imiş.

Qeyd edək ki, iki gün öncə Kirill qanunsuz parklama ilə bağlı dediklərinə cavab olaraq 21 yaşlı azərbaycanlı tərəfindən bıçaqlanıb. Şübhəlinin axtarışları davam edir. İstintaq Komitəsinin Moskva üzrə baş istintaq idarəsinin rəisinin böyük köməkçisi Yuliya İvanovanın sözlərinə görə, araşdırma zamanı xarici müşahidə kameralarının videoyazıları götürülüb və araşdırılıb.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.