Dünya

"Bitcoin"in qiyməti kəskin aşağı düşdü

14 Aprel 2024 12:50

Baxış: 1 833

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN #ISRAEL #QİYMƏT #BİTCOİN

Yaxın Şərqdə artan gərginlik kriptovalyuta bazarlarına mənfi təsir göstərib.

Milli.Az publika.az-a istinadən xəbər verir ki, İranın pilotsuz uçuş aparatları və raketlərlə İsrailə hava hücumu təşkil etməsindən sonra "Bitcoin" kriptovalyutasının qiyməti kəskin ucuzlaşıb.

Coinmarketcap analiz şirkətinin məlumatına görə, "Bitcoin"in qiyməti son 24 saatda 5 faizdən çox ucuzlaşaraq 63 min 306 dollar səviyyəsinə düşüb.

Beləliklə, martın 14-də 73 min 750 dollarla bütün zamanların ən yüksək həddinə çatan "Bitcoin"in qiymətində bir aylıq eniş 13 faizi keçib.

"Ethereum" isə 8,9 faiz dəyər itirərək 2 min 937 dollara düşüb.

Qlobal kriptovalyuta bazarının dəyəri 24 saat ərzində 6,22 faiz azalaraq 2,29 trilyon dollar olub.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ