Dünya

Poroşenko yenidən prezident olmaq istəyir

3 Aprel 2024 10:26

Baxış: 1 109

VTB-də minimal faiz dərəcəsi ilə nağd kredit 9.9%-dən

#DÜNYADA #UKRAYNA #UKRAİNE #SEÇKİLƏR

Ukraynanın keçmiş Prezidenti Petr Poroşenko ölkədə keçiriləcək növbəti prezident seçkilərində namizədliyini irəli sürmək niyyətindədir.

Milli.Az qafqazinfo-ya istinadən xəbər verir ki, Poroşenko bu barədə "Əl Cəzirə" kanalına müsahibəsində danışıb.

Onun sözlərinə görə, seçkilərin keçirilməsi üçün Ukraynanın hərbi əməliyyatlarda uğura nail olması zəruridir.

Eks-prezident, həmçinin qeyd edib ki, Ukrayna Avropa İttifaqına üzv olarsa o, Avropa Parlamentinə keçiriləcək seçkilərdə də namizədliyini irəli sürəcək.

Qeyd edək ki, Ukraynada prezident seçkiləri martın 31-i keçirilməli idi, lakin ölkə rəhbərliyi hazırda qüvvədə olan hərbi vəziyyət və səfərbərliklə bağlı seçkiləri təxirə salmaq barədə qərar qəbul edib. Ukraynanın hazırkı lideri Volodimir Zelenskinin səlahiyyət müddəti mayın 21-də başa çatır.

Onu da xatırladaq ki, 58 yaşlı P.Poroşenko 2014-2019-cu illərdə Ukrayna prezidenti olub.

Milli.Az
Xəbərlərimizi WhatsApp kanalımızdan da oxuyun