Dünya

ABŞ havadan Qəzzaya yeni humanitar yardım çatdırdı

3 Aprel 2024 09:40

Baxış: 840

VTB-də minimal faiz dərəcəsi ilə nağd kredit 9.9%-dən

#YAXIN ŞƏRQ #ABŞ #FƏLƏSTİN #HUMANİTAR

ABŞ Qəzza zolağına daha bir humanitar yardım partiyasını hava yolu ilə çatdırmaq üçün əməliyyat həyata keçirib.

Milli.Az report-a istinadən xəbər verir ki, bu barədə ABŞ Silahlı Qüvvələrinin Mərkəzi Komandanlığı məlumat yayıb.

"ABŞ Mərkəzi Komandanlığı davam edən münaqişədən zərər çəkmiş mülki şəxslərə humanitar dəstək göstərmək üçün aprelin 2-də Qəzza zolağının şimalına humanitar yardım aparıb", - komandanlığın sosial şəbəkələrdəki "X"dəki səhifəsində yerləşdirilmiş bəyanatda deyilir.

Qeyd edilir ki, təyyarələr 50 mindən çox qida məhsulunu yerə atıb.

Xatırladaq ki, 2023-cü il oktyabrın 7-də Qəzza zolağından HƏMAS yaraqlılarının İsrail ərazisinə soxulmasından, sərhəd yaşayış məntəqələrinin sakinlərinin öldürülməsi və 200-dən çox insanın girovun əsir götürülməsindən sonra Yaxın Şərqdə vəziyyət kəskin pisləşib.

İsrail tərəfi buna cavab olaraq bu günə qədər davam edən "Dəmir qılınclar" əməliyyatının başlandığını elan edib.

Milli.Az
Xəbərlərimizi WhatsApp kanalımızdan da oxuyun