Dünya

BMT Baş katibi: Qəzzada 196 əməkdaşımız öldürülüb

2 Aprel 2024 23:48

Baxış: 911

VTB-də minimal faiz dərəcəsi ilə nağd kredit 9.9%-dən

#İSRAİL #MÜHARİBƏ #BMT #FƏLƏSTİN

Oktyabrın 7-dən bu günə kimi Birləşmiş Millətlər Təşkilatının (BMT) Qəzzada humanitar fəaliyyətlə məşğul olan 196 əməkdaşı öldürülüb.

Milli.Az report.az-a istinadən xəbər verir ki, bu barədə BMT-nin baş katibi Antoniu Quterreş beynəlxalq təşkilatın Baş Assambleyasının insan təhlükəsizliyi mövzusuna həsr olunmuş plenar iclasında çıxışında deyib.

Baş katib bildirib ki, 6 ay ərzində Fələstin ərazilərində həlak olan 196 humanitar yardım işçisindən 171-i BMT-nin şəxsi heyətində olub və onların arasında Qərb ölkələrindən olan əməkdaşlar da var.

Baş katib Təhlükəsizlik Şurasının ötən həftə qəbul etdiyi qətnaməsindəki təcili humanitar atəşkəsin icrasını tələb edib: "Qətnamə təxirə salınmadan icra edilməlidir. Bütün girovların qeyd-şərtsiz azad olunmalı və Qəzzaya humanitar yardımların çatdırılmasına şərait yaradılmalıdır", - Baş katib qeyd edib.

Milli.Az
Xəbərlərimizi WhatsApp kanalımızdan da oxuyun