Dünya

İranın Dəməşqdəki konsulluğu vuruldu - SEPAH komandanı öldürüldü - VİDEO

1 Aprel 2024 20:43

Baxış: 1 172

#VİDEO #SURİYA #ISRAEL #YAXIN ŞƏRQ

İsrail Hərbi Hava Qüvvələrinin raketinin Suriya paytaxtının qərbində, İran səfirliyi və konsulluğunun yerləşdiyi Mezze məhəlləsini vurması nəticəsində azı 7 nəfər həlak olub. Hadisə yerinə yanğınsöndürmə briqadaları gəlib.

Trend İran KİV-ə istinadən xəbər verir ki, İranın Suriyadakı səfiri faktı təsdiqləyib.

Bildirilib ki, raketlərdən biri Livan və Fələstin təşkilatlarının nümayəndələri ilə görüşlər üçün istifadə edilən villaya düşüb. İran səfiri hadisə yerində olub, lakin xəsarət almayıb.

İran konsulluğu hücum nəticəsində tamamilə dağılıb. İslam İnqilabı Keşikçiləri Korpusunun (SEPAH) yüksək rütbəli generalı, SEPAH-ın Suriya və Livan üzrə komandanı Məhəmməd Rza Zahedi hava zərbəsi nəticəsində öldürülüb.

İranın diplomatik missiya kompleksinin yaxınlığında İslam İnqilabı Keşikçiləri Korpusunun (İran Silahlı Qüvvələrinin elit bölmələri) hərbi məsləhətçilərinin yaşadığı villalar var.

Xatırladaq ki, yanvarın 20-də eyni şəraitdə İslam İnqilabı Keşikçiləri Korpusunun Əl-Qüds xüsusi təyinatlı qüvvələrinin kəşfiyyat xidmətinin komandiri, general Yusuf Omid Zadə Dəməşqdə öldürülüb. Daha sonra hücumda 3 təyyarə iştirak edib, məsləhətçilərin yaşadığı dördmərtəbəli ev tamamilə dağıdılıb.

Milli.Az
Xəbərlərimizi WhatsApp kanalımızdan da oxuyun