Dünya

Almaniya Latviyaya beş qırıcı yerləşdirir

27 Fevral 2024 07:20
Baxış: 478
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Almaniya Baltik dənizi üzərində NATO hava məkanını qorumaq üçün Latviyaya beş "Eurofighter" qırıcısı yerləşdirir.

Milli.Az report-a istinadən xəbər verir ki, bu barədə DPA agentliyi Almaniya Hərbi Hava Qüvvələrinin nümayəndəsinə istinadən məlumat yayıb.

Qeyd olunub ki, qırıcılar Noyburq-an-der-Donau şəhərindən havaya qalxıb və Riqanın cənub-şərqindəki Lielvarde hərbi aerodromuna çatmalıdır.

Onlar martın əvvəlindən noyabrın sonuna kimi Estoniya, Latviya və Litva üzərində NATO hava məkanını qoruyacaq.

Xatırladaq ki, Baltikyanı ölkələr 20 il əvvəl NATO-ya qoşulandan bəri alyansa üzv ölkələr mütəmadi olaraq bölgəyə təyyarələr göndərir.

2014-cü ildən 2023-cü ilə qədər Estoniyadakı Emari hərbi aerodromu Almaniyanın "Eurofighter" qırıcıları üçün baza olub. Emari aviabazasında aparılan təmir işləri ilə əlaqədar olaraq, qırıcılar bu il Latviyadakı Lielvarde aerodromundan istifadə edir.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.