Dünya

Qriqoryan: Ermənistan özü üçün təhlükəsizlik təminatları axtarır

22 Fevral 2024 01:48

Baxış: 1 032

VTB-də minimal faiz dərəcəsi ilə nağd kredit 9.9%-dən

#ERMƏNİSTAN

Ermənistan xarici siyasətini şaxələndirməyə səy göstərir.

Milli.Az APA-ya istinadən bildirir ki, bunu Ermənistan Təhlükəsizlik Şurasının katibi Armen Qriqoryan jurnalistlərə bildirib.

"Ermənistanın xarici siyasətində qeyri-müəyyənlik yoxdur. Ölkə təhlükəsizlik və xarici siyasətini şaxələndirir. Biz bunu açıq şəkildə, siyasi mesajlar və atılan addımlarla nümayiş etdiririk", - deyə Qriqoryan bildirib.

TŞ katibinin sözlərinə görə, siyasətin şaxələndirilməsi təkcə Qərbi deyil, Hindistanı və bir sıra digər ölkələri də əhatə edir:

"2020-2021-ci ilə qədər bir hissəsi olduğu təhlükəsizlik sisteminin işləmədiyini, tamamilə səmərəsiz olduğunu görən Ermənistan özü üçün təhlükəsizlik təminatları axtarır və biz bu istiqamətdə fəaliyyətimizi davam etdirəcəyik. Biz öz siyasətimizdə qətiyyətliyik, bu istiqamətdə bütün məqsədlərimizi reallaşdıracağıq", - deyə Qriqoryan əlavə edib.

Milli.Az
Xəbərlərimizi WhatsApp kanalımızdan da oxuyun