Dünya

Baliyə giriş pullu odu

14 Fevral 2024 09:38
Baxış: 589
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İndoneziya hakimiyyəti bu günündən etibarən Baliyə gələn xarici turistlərdən 150,000 İndoneziya rupisi (təxminən 10 ABŞ dolları - Qeyd) məbləğində əlavə rüsum alacaq.

Milli.Az report-a istinadən xəbər verir ki, oxşar tələblər Bali ilə qonşu olan Nusa-Penida, Nusa-Lembonqan və Nusa-Çeninqan kiçik adalarına səyahət üçün də keçərlidir.

İndoneziyanın digər bölgələrindən daxili reyslər və ya bərə ilə gələn turistlər də vergi ödəməlidirlər. Ödəniş uşaqlar da daxil olmaqla, səyahət edənlərin bütün yaş kateqoriyalarına aiddir.

Lakin bir neçə viza kateqoriyası 10 dolardan azaddır. Belə ki, diplomatik, rəsmi nümayəndə heyətlərinin nümayəndələri, ekipaj üzvləri, müvəqqəti və ya daimi yaşayış icazəsi olanlar, ailə birləşməsi vizaları, "qızıl" vizalar, tələbə vizaları və iş vizaları ilə Baliyə daxil olanlar üçün ödəniş tələb olunmur.

Üstəlik, Baliyə səyahət etməzdən əvvəl, sadalanan insanların bütün kateqoriyaları əvvəlcədən vergidən azad olmaq üçün onlayn ərizə təqdim etməlidirlər.

Həmçinin İndoneziya vətəndaşları və İndoneziya ilə yanaşı Bruney, Vyetnam, Kamboca, Laos, Malayziya, Myanma, Sinqapur, Tayland və Filippinin də daxil olduğu Cənub-Şərqi Asiya Millətləri Assosiasiyası rüsum ödəməkdən azaddırlar.

Baliyə gələn turistlərin sayını nəzərə alsaq, hakimiyyət hər gün təxminən 180 min dollar qazanacaq.

2023-cü ildə təxminən 11 milyon əcnəbi turist Balini ziyarət edib. 2024-cü ildə səlahiyyətlilər turist axınının daha da artacağını və 14 milyon nəfərə çatacağını proqnozlaşdırırlar.

Rüsumu gəliş yerində - Nqurah Rai Beynəlxalq Hava Limanında və ya Benoa limanında ödəyə bilərsiniz. Bununla belə, İndoneziya hakimiyyəti bunu Love Bali portalı vasitəsilə əvvəlcədən etməyi tövsiyə edir.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.