Dünya

Bu ölkənin paytaxtı yer üzündən silinə bilər

13 Fevral 2024 03:03
Baxış: 762
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Tez-tez baş verən daşqınlar və qlobal iqlim dəyişikliyinin təsirləri səbəbindən Konqo Demokratik Respublikasının (KDR) paytaxtı Kinşasa yer üzərindən silinmə təhlükəsilə qarşılaşıb.

Milli.Az oxu.az-a istinadən bildirir ki, bu fikri Konqo çayının sahilində yerləşən 18 milyon əhalisi olan şəhərin senatoru Didye Mumenqi deyib.

"Xatırladaq ki, Konqo çayının daşqınları 1961-ci ildə artıq kritik həddə çatmışdı. Paytaxt ilk dəfə demək olar ki, tamamilə suya qərq olmuşdu. Sonra oxşar daşqınlar hər 10 ildə bir dəfə baş verməyə başladı. Amma 2019-cu ildən sonra interval qısaldı - növbəti fövqəladə hal 2023-cü ildə, yəni 4 il sonra yaşandı. Daşqınların daha tez-tez baş verməsi təhlükəsi Kinşasanı apokaliptik vəziyyətə sala bilər", - senator bildirib.

O, kədərli ssenarinin baş verməməsi üçün 2036-cı ilə qədər paytaxtın inkişafı məqsədilə düşünülmüş və məntiqli plan qəbul etməyi məsləhət görüb.

Qeyd edək ki, 1881-ci ildə qurulan Kinşasa sürətlə böyüyür. Şəhərdə 1984-cü ildə 2,6 milyon, 2005-ci ildə 5,3-7,3 milyon, 2017-ci ildə 11,8 milyon, hazırda isə 18 milyona yaxın insan yaşayır. Demoqrafların proqnozlarına görə, 2050-ci ilə qədər DXR-in paytaxtının əhalisi 35 milyon nəfərə çatacaq.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.