Dünya

Berbok: İsrailin Rəfaha hücumu humanitar fəlakət olar

10 Fevral 2024 15:49
Baxış: 339
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"İsrail ordusunun Rəfaha hücumu humanitar fəlakət olardı".

Milli.Az APA-ya istinadən bildirir ki, bunu Almaniyanın xarici işlər naziri Annalena Berbok "X" hesabında bildirib.

Rəfahda vəziyyətin ağır olduğunu deyən Almaniya XİN rəhbəri 1,3 milyon insanın çox kiçik bir ərazidə müharibədən qorunmaq üçün sığındığını qeyd edib.

"İsrail ordusunun Rəfaha hücumu humanitar fəlakət olardı. Qəzza xalqı havada yox ola bilməz. İsrail HAMAS terroruna qarşı özünü müdafiə etməli, eyni zamanda mülki əhalinin əzabını mümkün qədər yüngülləşdirməlidir. Odur ki, daha bir atəşkəs lazımdır ki, girovlar nəhayət azad olunsun. Gələn həftə İsraildə bunu yenidən müzakirə edəcəyəm", - Berbok əlavə edib.

Qeyd edək ki, İsrail Baş naziri Benyamin Netanyahu orduya HAMAS-a qarşı genişmiqyaslı hücumdan əvvəl Qəzzanın cənubundakı Rəfah şəhərindən dinc sakinləri təxliyə etməyə hazırlaşmağı əmr edib. Təxminən 1 milyondan çox fələstinli İsrailin Qəzzanın qalan hissəsindəki döyüş əməliyyatlarından sığınmaq üçün Rəfahdadır.

ABŞ İsrailə Rəfahın işğalının "fəlakət" olacağı barədə xəbərdarlıq edib, Aİ və BMT isə narahatlığını bildirib.

Humanitar yardım qrupları isə bildirir ki, şəhərdən hamını evakuasiya etmək mümkün deyil.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.