Dünya

İsraildə "Toni Bleyer" iddiası: Gizli səfərin ŞOK TƏFƏRRÜATLARI

1 Yanvar 2024 13:57

Baxış: 634

VTB-də minimal faiz dərəcəsi ilə nağd kredit 10.49%-dən

#DÜNYADA #ISRAEL

İsrail müharibə bitdikdən sonra Qəzza zolağından olan fələstinli qaçqınları qəbul etməyə Qərb ölkələrini razı salmaq üçün Britaniyanın keçmiş baş naziri Toni Bleyri vasitəçi kimi təyin etməyi planlaşdırır.

Milli.Az publika.az-a istinadən xəbər verir ki, bunu İsrailin "Kanal 12" telekanalı iddia edib. Bildirilir ki, Bleyer keçən həftə İsrailə gizli səfər edib, baş nazir Binyamin Netanyahu və Müharibə Kabinetinin üzvü Benny Qantz ilə bu mövzunu müzakirə etmək üçün görüşüb.

Görüş zamanı Qəzza zolağından didərgin salınmış fələstinlilərlə bağlı İsrail və Qərb ölkələri arasında vasitəçilik ideyasının gündəmə gəldiyi iddia edilib.

Digər tərəfdən, Bleyerə yaxın mənbə "Jerusalem Post" qəzetinə verdiyi açıqlamada bu xəbəri təkzib edib. Bleyerin fələstinlilərin didərgin salınmasında əli olması ilə bağlı iddiaların əsassız olduğunu bildirən mənbə, Bleyerin belə bir təklifi müzakirə etməyəcəyini bildirib.

Milli.Az
Xəbərlərimizi WhatsApp kanalımızdan da oxuyun