Dünya

Putin Ərdoğanı təbrik etdi

29 Oktyabr 2023 17:10
Baxış: 1 208
VTB-də minimal faiz dərəcəsi ilə nağd kredit 9.9%-dən
#TÜRKİYƏ #RUSİYA #ƏRDOĞAN #RƏCƏB TAYYİB ƏRDOĞAN #CÜMHURİYYƏT

Rusiya Prezidenti Vladimir Putin Türkiyə lideri Rəcəb Tayyib Ərdoğanı Cümhuriyyətin elan edilməsinin 100 illiyi münasibətilə təbrik edib.

Milli.Az qafqazinfo-ya istinadən xəbər verir ki, təbrikdə deyilir:

"Ötən əsrdə ölkəniz bir çox çətinliklərin öhdəsindən gəlib, iqtisadi, sosial və digər sahələrdə hamı tərəfindən qəbul edilmiş uğurlara imza atıb. Türkiyə haqlı olaraq dünya miqyasında yüksək nüfuza malikdir".

Putin qeyd edib ki, Rusiya-Türkiyə münasibətləri dostluq və mehriban qonşuluq ruhunda inkişaf edir.

"Bunu Soçidəki son görüşümüz də tam təsdiq etdi. Müxtəlif sahələrdə əməkdaşlıq yaxşı nəticələr verir, böyük birgə layihələr sistemli şəkildə həyata keçirilir. Moskva və Ankara regional və qlobal gündəmdəki mühüm məsələlərin həllində səyləri uğurla əlaqələndirirlər. Əminəm ki, biz dost xalqlarımızın rifahı naminə, daha ədalətli və demokratik dünya düzəninin qurulması maraqları naminə ikitərəfli əlaqələrin bütün spektrini bundan sonra da ardıcıl olaraq artıracağıq. Sizə səmimi qəlbdən möhkəm cansağlığı və uğurlar, bütün həmvətənlərinizə xoşbəxtlik və firavanlıq arzulayıram", - Putin vurğulayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.