Dünya

“Alibaba”nın yaradıcısı fermer oldu

3 Avqust 2023 01:40

Baxış: 1 605

VTB-də minimal faiz dərəcəsi ilə nağd kredit 9.9%-dən

#ALİBABA.COM LTD #FERMER #FERMA

"Alibaba Group"un həmtəsisçisi, 58 yaşlı çinli milyarder Cek Ma yeni kənd təsərrüfatı texnologiyası şirkətinə sərmayə qoyub.

Milli.Az oxu.az-a istinadən bildirir ki, "1.8 Meters Marine Technology" adlı balıqçılıq və kənd təsərrüfatı startapı iyulun 20-də Manın doğulduğu Xançjou şəhərində qeydə alınıb. "Alibaba"nın qərargahı da orada yerləşir.

Yerli jurnalistlər hesab edirlər ki, milyarderin belə bir addımı onun Çində texnologiya sektorundan tədricən uzaqlaşmasının daha bir əlamətidir.

Bildirilir ki, 2021-ci ilin oktyabr ayında Ma İspaniyada olub və burada kənd təsərrüfatı, ətraf mühit texnologiyaları üzrə təhsil alıb. O, kənd təsərrüfatı texnologiyalarını öyrənmək üçün Niderland, Yaponiya və Taylanda da səfər edib.
Bu ilin may ayından Cek Ma Tokio Universitetində dayanıqlı kənd təsərrüfatı və qida istehsalı üzrə qonaq professor kimi fəaliyyətə başlayıb.

Xatırladaq ki, Ma 2019-cu ildə "Alibaba"dan ayrılıb. Ayrılmaq qərarı iş adamının Çin hakimiyyətini tənqid etməsindən az sonra verilib.

Milli.Az