Dünya

Orkney adaları Böyük Britaniyadan ayrılmaq istəyir

3 İyul 2023 09:06
Baxış: 687
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Şotlandiyanın Orkney adalarının səlahiyyətliləri arxipelaqın Böyük Britaniyadan ayrılaraq Norveçlə yenidən birləşmək imkanlarını nəzərdən keçirir.

Milli.Az "report"a istinadən bildirir ki, bu barədə "The Daily Telegraph" qəzeti məlumat yayıb.

Yerli şuranın rəhbəri Ceyms Stokan bildirib ki, iyulun 4-də regional hakimiyyət orqanları alternativ idarəetmə formaları, o cümlədən tarixi əlaqələrin bərpası təklifini müzakirə edəcəklər.

Stokan qeyd edib ki, Orkney Şotlandiya və ya ümumi Britaniya büdcəsindən kifayət qədər maliyyə vəsaiti almır.

Bununla belə, ayrılma üçün referendum, eləcə də Edinburq və London hökumətləri ilə razılaşma tələb olunacaq.

1707-ci ildən İngiltərə ilə Şotlandiya arasında ittifaqın imzalanması və Böyük Britaniya dövlətinin yaranması ilə adalar Britaniya tacının hakimiyyəti altındadır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.