Dünya

Neft qiymətləri stabil dinamikanı qoruyub saxlayır

17 Aprel 2023 14:09
Baxış: 8 826
VTB-də minimal faiz dərəcəsi ilə nağd kredit 9.9%-dən
#DÜNYADA #İQTİSADİYYAT

Bazar ertəsi səhər dünyada neft qiymətləri stabildir, investorlar bazara OPEC+ təsirini nəzərə alır və ABŞ-də hasilat proqnozunu gözləyirlər.

Milli.Az Trend-ə istinadən bildirir ki, sövdələşmə məlumatları bunu təsdiqləyir.

Brent markalı neftin qiyməti 0,03% ucuzlaşaraq bir bareli 86,28 dollara, WTI markalı neftin iyun fyuçerslərinin qiyməti isə bir o qədər cüzi, yəni 0,05% ucuzlaşaraq bir bareli 82,38 dollara düşüb.

İnvestorlar ABŞ-də may ayında neft hasilatına dair proqnozu gözləməkdədirlər. Proqnoz ABŞ Energetika Nazirliyinin Enerji İnformasiyası İdarəsi (EIA) tərəfindən bazar ertəsi axşam dərc olunacaq.

Bununla belə, öncəki ticarət günü neft bir qədər bahalaşıb. "OPEC+ tərəfindən hasilatın azaldılması qiymətlərin artmasına açıq-aşkar təsir edib", - deyə "Bloomberg" agentliyi ING Group NV-nin xammal strategiyası şöbəsinin rəhbəri Varren Pattersondan sitat gətirir.

OPEC+ tərəfindən neft hasilatının əlavə olaraq azaldılması barədə qərar aprelin 2-də qəbul edilib. Azaldılmanın ümumi həcmi ilin sonunadək gündəlik 1,66 milyon barel təşkil edəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.