Dünya

Bolqarıstanda məktəblər bağlandı - Səbəb kimi Rusiya göstərilir

30 Mart 2023 18:36
Baxış: 1 246
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bolqarıstanda onlarla məktəb bağlanıb və şagirdləri üç gün müddətinə evakuasiya edilib.

Milli.Az qafqazinfo-ya istinadən xəbər verir ki, buna səbəb e-poçt və telefon vasitəsilə məktəblərə bomba qoyulması haqda xəbərlərin verilməsidir.

Lakin hələlik bomba aşkarlanmayıb.

Baş verənlərin motivi aydın deyil. Ehtimal olunur ki, bu, bazar günü keçirilməsi nəzərdə tutulan parlament seçkilərinin baş tutmaması üçün edilir. Məktəblər seçki məntəqəsi kimi istifadə olunur.

"İstintaqçıların əsas versiyası - bu və ya digər şəkildə Rusiya ilə bağlı olan hibrid hücumlarıdır", - ölkənin daxili işlər naziri İvan Demerdciyev deyib.

O əlavə edib ki, ölkə hakimiyyəti bu cür təhdidlərin yayılmasında günahkarların müəyyən edilməsi üçün NATO üzrə tərəfdaşlarının, xüsusən də ABŞ-nin kəşfiyyat xidmətlərindən kömək istəyib.

Bolqarıstan Prokurorluğu baş verənləri Cinayət Məcəlləsinin "respublikaya qarşı cinayət" və "terrorizm" maddələri ilə araşdırdığını bildirib.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.