Dünya

Bu, xoyluların Türkiyəyə mesajıdır - Nəimi

17 Mart 2023 08:59

Baxış: 1 442

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Xoy sakinlərinin özlərinin artıq dərəcədə yardıma ehtiyacı var. Buna rəğmən, onların Türkiyəyə yardım etməsi fərqli bir mesaj xarakteri daşıyır.

Milli.Az bildirir ki, bu sözləri axar.az-a tanınmış güneyli milli fəal Mehdi Nəimi deyib.

O bildirib ki, Xoy sakinləri bu addımla "çətin günlərimizdə sizə yardım etməyə hazırıq" mesajını verirlər:

"İmkan olduğu yerdə yardım etmək bir məsələdir, amma imkansızlıqla yardıma qaçmaq bambaşqa bir məsələdir. Xoyun zəlzələdən zərər görən əhalisi bu ikinci variantı gözəl bir şəkildə sərgilədilər. Güney Azərbaycanın Türkiyə ilə qədimdən qonşuluq əlaqələri vardır. Xoy şəhəri Türkiyəyə daha yaxın olduğu üçün Türkiyə ilə daha doğma bağları qurulub. Özəlliklə, 1918-ci ilin mart ayındakı qanlı Cilovluq faciəsində, Osmanlı ordusunun Güney Azərbaycanın Qərb şəhərlərinə yardım edib, onları kürdlərin, assurların və ermənilərin zülmündən qurtarması hələ də millətimizin yaddaşındadır".

Mehdi Nəimi bildirib ki, Güney Azərbaycan keçmiş günlərdə olduğu kimi. indi də Türkiyənin hər zaman dəstəyini hiss edir:

"Son illərdə Türkiyənin türk dünyasında olan çəkici rolu bu ölkəni ulusumuzun gözündə daha yüksək yerlərə qaldırıb. 2020-ci ildəki 44 günlük Qarabağın azadlığı uğrunda gedən savaşda da Türkiyənin dəstəyini millətimiz yüksək dərəcədə qiymətləndirib. Güney Azərbaycanın müstəqilliyinə gedən yolda və bu istiqamətdə aparılan mədəni mübarizədə Quzey Azərbaycanın, həmçinin Türkiyənin önəmli rolu və dəstəyi gözlənilməkdədir".

Qeyd edək ki, Güney Azərbaycanın Xoy şəhərindən olan fəallar Türkiyədə zəlzələdən zərər çəkən insanlara yardımlar göndəriblər. Yardımların üzərinə "Xoy zəlzələsində zərər çəkənlərin Türkiyədə zəlzələdən zərər çəkən bacı-qardaşlarına yardımı" yazılıb.

Milli.Az

Milli.Az - Xəbər Portalı

Bu, xoyluların Türkiyəyə mesajıdır - Nəimi

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?