Dünya

Nensi Pelosi keşişləri evinə “cin çıxarma” mərasiminə dəvət edib

23 Yanvar 2023 08:38

Baxış: 925

VTB-də minimal faiz dərəcəsi ilə nağd kredit 9.9%-dən

ABŞ Konqresinin Nümayəndələr Palatasının keçmiş sədri Nensi Pelosi ərinə sui-qəsddən sonra keşişləri San-Fransiskodakı evinə "cin çıxarma" mərasiminə dəvət edib.

Milli.Az "report"a istinadən bildirir ki, bu barədə onun qızı Aleksandra Pelosi "The New York Times" qəzetinə məlumat verib.

Onun sözlərinə görə, Şükran Günündə evdən şeytan çıxaran və dualar oxuyan kahinlər onun yanına gəlib: "Sui-qəsddən sonra anam özünü günahkar hiss edirdi".

Nensi Pelosi özü ərinin hücuma məruz qalacağını gözləmədiyini deyib. Onun sözlərinə görə, normal həyata qayıtması üçün daha üç-dörd ay lazım olacaq.

Qeyd edək ki, hadisə 2022-ci il oktyabrın 28-də səhər saatlarında baş verib. Hücumda ittiham olunan David Depeyp Pelosinin San-Fransiskodakı evinə girərək siyasətçinin ərinə çəkiclə hücum edib. Pelosi özü həmin vaxt evdə olmayıb.

Milli.Az