Dünya

Keçmiş müəlliməsini pula görə öldürənə hökm oxundu

13 Dekabr 2022 17:36

Baxış: 1 001

VTB-də minimal faiz dərəcəsi ilə nağd kredit 10.49%-dən

#RUSİYA

Rusiyada, Altay diyarında məhkəmə 65 yaşlı müəlliməni qətlə yetirən 23 yaşlı yerli sakini 19 il müddətinə azadlıqdan məhrum edib.

Milli.Az bildirir ki, bu barədə Rusiya İstintaq Komitəsinin regional idarəsindən məlumat verilib.

Oğlan Rusiya Federasiyası Cinayət Məcəlləsinin 162-ci maddəsinin 4-cü hissəsinin "c" bəndi ("Soyğunçuluq"), 105-ci maddəsinin 2-ci hissəsinin "e, h" bəndləri ("Qətl") ilə təqsirli bilinib və cəzasını ciddi rejimli koloniyada çəkəcək.

Məlumata görə, 2021-ci il iyunun 1-də Novoaltayskda müttəhim pulla bağlı problemlərə görə quldurluq etmək qərarına gəlib. O, əlcək və bıçaq alıb, hədəfi isə keçmiş müəlliməsi olub. Oğlan bilib ki, təqaüdçü tək yaşayıb. Daha sonra oğlan müəllimənin evinə daxil olaraq ona 44 bıçaq zərbəsi vuraraq ölümcül xəsarətlər yetirib. Lakin zərərçəkənin yaşadığı evdə dəyərli heç nə olmayıb. Daha sonra məhkum 15 min rubl (təxminən 240 dollardan az) dəyərində əmlakı götürərək qaçıb.

Qeyd olunub ki, təqsirləndirilən şəxs əvvəlcə özünü təqsirli bilsə də, daha sonra ifadə verməkdən imtina edib. Bundan əlavə, qohumları ona saxta alibi veriblər.

İrfan Vəliyev
Milli.Az