Dünya

Qadın sosial şəbəkədəki paylaşımı sayəsində özündə xərçəng aşkarladı

9 Dekabr 2022 05:44
Baxış: 866

Böyük Britaniyanın London sakini sosial şəbəkədə qonşusunun yazısını oxuyandan sonra döşündə şiş olduğunu aşkar edib.

Milli.Az bildirir ki, bu barədə "İndependent" xəbər verib.

"Mən Kamboca, Vyetnam və Taylanda səfər etdiyim tətildən yenicə evə qayıtdım. Bir il əvvəl qonşumda döş xərçəngi diaqnozu qoyulmuşdu, ona görə də sosial mediada o hamıya müayinədən keçməyə çağırış etdi. Düşündüm ki, mən də müayinə olunmalıyam və bir şiş tapdım", - 56 yaşlı Fiona Keyn deyib.

Qadın həkimə gedib, o, ona sağ süd vəzisinin invaziv lobulyar xərçəngi və invaziv olmayan kanal karsinoması diaqnozu qoyub. Keyn müalicəyə 2020-ci ilin fevralında başlayıb və ikiqat mastektomiya əməliyyatı keçirib.

Bir ay sonra o, kimyaterapiyadan keçib. Xüsusi bir tətbiqdə Keyn terapiyanın yan təsirlərini aradan qaldırmağın yollarını göstərən bir cəmiyyət tapıb. Qadın tətbiqdə dünyanın hər yerində eyni xəstəliklə qarşılaşan dostlar tapıb.

İndi qadının xəstəliyi remissiya mərhələsinə keçib. Keyn analitik işini tərk edib və mebelləri bərpa etməyə başlayıb. "Bu, mənə böyük sevinc bəxş edir. Heç kimin bəyənmədiyi şkaf götürürəm, onunla nəsə edirəm. Demək olar ki, dərhal satılır", - o, izah edib. İndi qadın 2023-cü ildə Hindistana səfər etməyi planlaşdırır.

İrfan Vəliyev
Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics