Dünya

Rusların Gürcüstana üz tutması aksiyalarla qarşılandı

8 Oktyabr 2022 08:20
Baxış: 916

Sentyabrın 21-də ölkəsində qismən səfərbərlik elan edildikdən sonra Rusiya vətəndaşlarının Gürcüstana üz tutmasına görə paytaxt Tbilisidə etiraz aksiyası keçirilib.

Milli.Az "qafqazinfo"-ya istinadən xəbər verir ki, gecə saatlarında Tbilisidə parlament binası qarşısına toplaşan nümayişçilər rusların Gürcüstana axınının dayandırılmasını tələb ediblər.

"Sərhədi bağlayın" şüarı ilə təşkil edilən nümayişə gələnlər Gürcüstan, Ukrayna və Avropa İttifaqının (Aİ) bayraqlarını daşıyaraq, Ukraynaya dəstək şüarları səsləndiriblər.

Nümayişdə çıxış edənlər Rusiyanın Gürcüstan ərazisinin 20 faizini işğal etdiyini xatırladaraq, Rusiya vətəndaşlarının ölkəyə axınının böyük təhlükə yaratdığını bildiriblər.

Qeyd edək ki, Gürcüstan Daxili İşlər Nazirliyi sentyabrın 23-27-də ölkəyə 78 742 Rusiya vətəndaşının daxil olduğunu açıqlayıb.

Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics