Dünya

Daha bir ölümcül virus meymundan insana keçə bilər

5 Oktyabr 2022 20:20
Baxış: 1 010
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Boulder şəhərindəki Kolorado Universitetinin tədqiqatçıları bir məqalədə bildirirlər ki, vəhşi Afrika primatlarını xəstələndirən potensial ölümcül viruslar insanlara yoluxmağa başlaya bilər.

Milli.Az lent.az-a istinadla bildirir ki, mütəxəssislər donuz və atlar arasında yayılmış, lakin primatlar arasında kifayət qədər öyrənilməmiş arterivirusların patogenliyini tədqiq ediblər. Onlar Ebola xəstəliyinə bənzər bir ölümcül xəstəliyə səbəb olan meymun hemorragik qızdırma (Hemorragik qızdırmalar - virus mənşəli təbii ocaqlı, endemik infeksion xəstəliklər olub, qan damarlarının zədələnməsi, hemorragiya və intoksikasiya əlamətləri ilə təzahür edirlər-red.) virusuna (CCHFV) xüsusi diqqət yetiriblər. Bu infeksiya 1960-cı illərdən bəri əsirlikdə olan makaklar arasında ölümcül epidemiyalara səbəb olub.

Məlum olub ki, reseptor olan CD163 molekulu infeksiyada əsas rol oynayır və virusun hədəf hüceyrələrə daxil olmasına şərait yaradır.

Bu reseptorun insan versiyası da SHFV ilə yaxşı birləşir və virusu insanlar üçün təhlükəli edir. İnsan immunçatışmazlığı virusu (HİV) və onun qabaqcıl meymun immunçatışmazlığı virusu (SIV) kimi, meymun arterivirusları da immun hüceyrələrə hücum edir, əsas müdafiə mexanizmlərini sıradan çıxarır və bədəndə uzun müddət qalır.

İndiyədək insanlarda yoluxma halları qeydə alınmasa da, müəlliflər ayıq-sayıq olmağa çağırırlar ki, bu da yeni pandemiyanın qarşısını almağa kömək edə bilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.