Dünya

İranda etirazçılar dövlət binalarını yandırır - VİDEO

28 Sentyabr 2022 13:05
Baxış: 2 755

Çabahar şəhərində qəzəbli əhali polis komandirinin etnik bəluç qıza təcavüz etməsinə və "Əxlaq" polisi tərəfindən 22 yaşlı Məhsa Əmininin öldürülməsinə etiraz olaraq valilik binasına od vurublar. 

Milli.Az Bizim.Media-ya istinadən xəbər verir ki, bu barədə informasiyanı "Azad İran" Telegram kanalı yayıb.

Etirazlar sentyabrın 27-də keçirilib. Ümummilli etirazların 12-ci günündə axşam saatlarında çabaharlılar nümayişlərə başlayıblar. Narazılar daha sonra yol polisinin köşkünü yandırıb, habelə "Ticarət Bank"ının şüşələrini sındırıblar.

Qəzəbli kütlə valilik binasının önünə toplaşaraq öncə binanı daşa tutub, sonra yandırıb. Polis və xüsusi təyinatlı qüvvələr birbaşa insanlara atəş açaraq bir neçə nəfəri öldürüb və yaralayıb. Yaralıların və ölənlərin sayı barədə dəqiq məlumat yoxdur.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics