Dünya

ABŞ kəşfiyyatı: Rusiya ordusunun sursatları tükənir, müharibə yeni mərhələyə qədəm qoyur

19 Avqust 2022 23:43
0 Şərh     Baxış: 658

Rusiya qoşunlarının sursatları tükənir ki, bu da hücum potensialının azalması prosesini sürətləndirir.

Milli.Az oxu.az-a istinadən xəbər verir ki, bunu Pentaqonun qapalı brifinqində ABŞ kəşfiyyatının rəsmisi bildirib.

Onun sözlərini ITN telekanalının əməkdaşı Emma Berrous "Twitter"də paylaşıb.

"Bizim sursatların tükəndiyinə dair çoxlu sübutlarımız var, o cümlədən də dərin anbarlardan çıxarılan sursatların", - ABŞ kəşfiyyatının nümayəndəsi bəyan edib.

O, qeyd edib ki, sursatların miqdarının azalması nəhayət, Rusiyanın hücuma başlamaq qabiliyyətini sarsıtmağa başlayır. ABŞ kəşfiyyatının məlumatına görə, Rusiya indi batalyon taktiki qruplarını birləşdirib və öz qüvvələrini yenidən qurmağa çalışır.

Jurnalistin sözlərinə görə, kəşfiyyat rəsmisi Ukraynadakı müharibənin fərqli mərhələyə keçdiyini, lakin hələ pik həddə çatmadığını vurğulayıb.

"Hər iki tərəf bunun sprint deyil, marafon olduğunu artıq dərk edib", - deyə kəşfiyyatın nümayəndəsi qeyd edib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics