Dünya

"Ukraynanın Rusiya ilə danışıqlarda səbri tükənib"

11 May 2022 17:52
Baxış: 900

Ukrayna Prezidenti Vladimir Zelenski Kiyevin Rusiya ilə danışıqlarda səbrinin tükəndiyi barədə xəbərdarlıq edib.

Milli.Az APA-ya istinadən bildirir ki, bu barədə Ukrayna Prezidenti Vladimir Zelenski Fransanın Siyasi Araşdırmalar İnstitutunun tələbələri qarşısında virtual çıxışında deyib.

"Nə qədər ki, gec deyil, biz bu müzakirələri, bu danışıqları aparmağa hazırıq. Lakin hər yeni Buça, hər yeni Mariupol, onlarla insanın öldüyü hər yeni şəhər, zorlama halları, hər yeni vəhşilik ilə danışıqlar aparmaq arzusu və imkanı, eləcə də bu problemi diplomatik yolla həll etmək imkanı yoxa çıxır", - Ukrayna lideri deyib.

Prezident Zelenski Kiyevin müharibədə qalib gələcəyi və Ukraynaya aid olan bütün əraziləri geri alacağına dair qətiyyətli olduğunu bildirib.

O, ölkəsinin Avropa İttifaqına daxil olmasının vacibliyini bir daha vurğulayaraq, Ukraynanın İttifaqa daxil edilməsi üçün qarşı tərəfi önəmli addımlar atmağa çağırıb.

"Ukrayna yalnız digər dövlətləri gücləndirəcək, ordumuz öz imkanlarını nümayiş etdirdi. Xalqımız özünü sübut etdi", - Zelenski vurğulayıb.

Milli.Az

40 000 AZN-dək krediti ONLAYN sifariş et!

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics