Dünya

Ukraynalılar Xarkovda əks hücuma keçir: müharibənin tempi dəyişir

11 May 2022 14:11

0 Şərh Baxış: 1 725

VTB-də minimal faiz dərəcəsi ilə nağd kredit 9.9%-dən

#RUSİYA-UKRAYNA MÜHARİBƏSİ

Ukrayna Müdafiə Qüvvələri Xarkov vilayətində Rusiyaya qarşı uğurlu əks-hücumları davam etdirir. Dünən onlar Xarkovun şimal və şimal-şərqindəki dörd kənddən rusları qovmağa müvəffəq olublar. Bu əks-hücum müharibənin tempini dəyişə bilər.

Milli.Az Sky News-a istinadən bildirir ki, bu fikirlər Qərb analitikləri və hərbi ekspertlərə aiddir.

Dünən axşam müraciətində Ukrayna prezidenti Vladimir Zelenski hər gün qələbə tələb edərək cəmiyyəti orduya və hökumətə təzyiq etməməyə çağırıb. Eyni zamanda, o, Xarkov vilayətində ukraynalı müdafiəçilərin uğurunu təsdiqləyib. Hücum edənlər inamla Rusiya Federasiyası ilə sərhədə geri çəkilir.

Ukrayna əsgərləri cənubda düşmənin əsas zərbə qüvvələrini dəstəkləyən arxa təchizat marşrutlarına yaxınlaşır. Rusiya ordusunun daha da irəliləməsi təhlükə altındadır.

"Ukraynalılar Rusiya ilə sərhədə yaxınlaşır. Beləliklə, rusların Ukraynanın şimal-şərqində ilk günlərdə əldə etdiyi bütün uğurlar tədricən sönməkdədir", - deyə Londondakı RUSI analitik mərkəzindən Nil Melvin bildirib.

Britaniyalı analitiklər əmindirlər ki, Rusiya ordusu artıq təchizat xətlərini qorumaq üçün qüvvələr yerləşdirəcək. Əgər bu logistik marşrutlar itirilsə, rusların Ukraynanın dərinliklərinə keçmək üçün bütün cəhdləri təhlükə altında olacaq.

"Ruslar Xarkov yaxınlığında baş verənlərə görə öz qüvvələrinin bir hissəsini Donbas üzərində nəzarəti təmin edən xəttlərdən geri çəkməli olurlar. Bu isə yalnız onların mövcud problemlərini göstərir", - deyə istefada olan general, Müharibənin Tədqiqi İnstitutunun beyin mərkəzinin rəhbəri Cek Kin bildirib.

Aslan Məmmədov
Milli.Az