Dünya

Xerson yaxınlığında ukraynalılar Rusiya helikopterlərini məhv etdilər - FOTO

16 Mart 2022 11:30
0 Şərh     Baxış: 1 148
VTB-də minimal faiz dərəcəsi ilə nağd kredit 10.49%-dən

Ukrayna aviasiyası Xerson yaxınlığında ələ keçirilən hava limanında yerləşdirilmiş rus əsgərlərin hərbi helikopterlərini məhv edib.

Milli.Az UNİAN-a istinadən bildirir ki, bu barədə Amerikanın CNN nəşri yazıb.

Ukrayna Hərbi Hava Qüvvələri ən azı 3 düşmən helikopterini yandırmağa müvəffəq olub, Planet Labs bununla bağlı yeni peyk görüntüləri göstərir.

CNN-in məlumatına görə, bu əməliyyatı martın 15-də Ukrayna hərbçiləri həyata keçirib. Nəşr bunu Ukrayna Hərbi Hava Qüvvələrinin əvvəllər məlum olan bütün Rusiya aviasiyasına ən güclü hücumu adlandırıb.

Dünyada baş verən böyük yanğınları izləyən NASA-nın Resursların İdarə Olunması üçün Yanğın Məlumat Sistemi (FIRMS) Ukrayna Hərbi Hava Qüvvələrinin hava limanına uğurlu zərbə endirdiyini təsdiqləyib.

Helikopterlərlə yanaşı, hava limanında yerləşən düşmənin hərbi maşınları da yanıb.

UNIAN-ın yazdığı kimi, Ukrayna Silahlı Qüvvələri Rusiyaya ciddi itkilər verməkdə və ukraynalıları xilas etməkdə davam edir. Belə ki, Ukrayna səmasının müdafiəçiləri 77 təyyarə və 90 helikopteri məhv edib.

Aslan Məmmədov
Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.