Dünya

Dünyanın ən yaşlı kişisi öldü

18 Yanvar 2022 23:56

0 Şərh Baxış: 1 134

VTB-də minimal faiz dərəcəsi ilə nağd kredit 9.9%-dən

#DÜNYADA

İspaniyada yaşayan və "Ginnesin Rekordlar Kitabı"na görə dünyanın ən yaşlı adamı olan Saturnino de la Fuerte 113 yaşına az vaxt qalmış vəfat edib.

Milli.Az "qafqazinfo"-ya istinadən xəbər verir ki, bu səhər evində dünyasını dəyişən Saturnino De la Fuertenin fevralın 12-də 113 yaşı tamam olacaqdı.

Xəbərdə De la Fuertenin 10 sentyabr 2021-ci ildə 112 yaş 211 günlük yaşı ilə "dünyanın ən yaşlı kişisi" olaraq "Ginnesin Rekordlar Kitabı"na düşdüyü qeyd edilib.

İspaniyada Kral XIII Alfonso (1886-1941) dönəmində doğulan, 1918-ci ildə ispan qripi, 1923-cü ildə Primo de Rivera diktaturası, II Respublika (1931-1939), Vətəndaş müharibəsi (1936-1939) görmüş və diktator Frankonun (1939-1975) dönəmində yaşayan De la Fuerte Leon şəhərində COVID-19-a qarşı peyvənd edilmiş ilk insan idi.

8 övladı, 14 nəvəsi və 22 nəticəsi olan De la Fuertenin dəfn mərasiminin sabah keçiriləcəyi açıqlanıb.

Qeyd edək ki, De La Fuertedən 1 ay sonra doğulan dünyanın ən yaşlı ikinci adamı olan puerto-rikolu Emilio Flores də bir neçə gün əvvəl vəfat edib.

Milli.Az