Dünya

Avropa səmasında boş təyyarələr: Avropa Komissiyasından qaydaları dəyişdirməyi xahiş edirlər

13 Yanvar 2022 18:42
0 Şərh     Baxış: 529
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Tamamilə boş təyyarələr Avropanın səmasında uçur: omikrona görə sərnişinlər rezervasiyaları ləğv edir, lakin təyyarələr uçmağa məcbur olur - əks halda onlar hava limanındakı yerlərini itirəcəklər.

Milli.Az aviatravel.az-a istinadən bildirir ki, bir neçə Aİ ölkəsi Avropa Komissiyasını qaydaları dəyişdirməyə çağırır, buna görə də, məsələn, Brussels Airlines yaxın aylarda 3 min "məcburi" boş reys, Lufthansa kimi nəhəng isə 18 min uçuş planlaşdırıb.

Georges Gilkine, Belçikanın Mobillik Naziri:

"Artıq koviddən əziyyət çəkən aviaşirkətlər üçün boş uçuşlar ekoloji və iqtisadi baxımdan cəfəngiyatdır. Avropa Komissiyasına məktub göndərmişəm, lakin hələ ki, cavab almamışam. Komissiyadan qaydaları dəyişdirməyi xahiş etdim ki, boş təyyarə qalmasın".

Avropa qaydalarına əsasən, aviaşirkətlər uçuş və ya eniş üçün hava limanından vaxt intervalı alırlar və bu intervaldan istifadə edilmədikdə, başqa daşıyıcıya satıla bilər. 

Maayke Andris, Brussel Airlines nümayəndəsi:

"Əgər bu ümumi qaydalar daha çevik olmasa, aviaşirkətimiz lazımsız uçuşlar həyata keçirmək məcburiyyətində qalacaq. Bizim üçün bu, yalnız uçuş və eniş hüququnu təsdiqləmək üçün 3000 uçuş deməkdir. Ekoloji və iqtisadi baxımdan bu uçuşlardan imtina etmək olar".

Aİ rəhbərliyi isə hesab edir ki, omikronun təsiri aviaşirkətlərin təsvir etdiyi qədər mənfi olmayacaq: onlar hesab edirlər ki, ilin əvvəlində yüklənmiş uçuşların sayı hətta artacaq və koronavirusdan əvvəlki səviyyənin təxminən 80%-ni təşkil edəcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.