Video

Azərbaycanda yük qatarı relsdən çıxdı, iki vaqon aşdı - YENİLƏNİB - VİDEO

23 Fevral 2012 15:44

0 Şərh Baxış: 3 356

VTB-də minimal faiz dərəcəsi ilə nağd kredit 9.9%-dən

#AZERBAİJAN #KERAMİKA A.D.

14:11

Milli.Az EL TV-yə istinadən bildirir ki, fevralın 23-ü saat 5:00 radələrində Bakı-Böyük Kəsik dəmiryolu xəttinin 254-cü kilometrliyində, Yevlax rayonunun Yuxarı Qarxun kəndi ərazisində 4 yük vaqonu relsdən çıxaraq qəza vəziyyəti yaradıb. Nəticədə vaqonlardan ikisi aşıb. Aşan vaqonların birində 67 ton 900 kiloqram keramika materialı olub, digər üç vaqon isə boş olub. Əraziyə 13 saylı Yevlax dəmir yol sahəsinin təmir briqadası gəlib. Relsdən çıxan vaqonlar qaldırılaraq relsə salınıb. Qərb istiqaməti üzrə Yükdaşımalar İdarəsinin bölmə rəisi Fizuli Kərimovun dediyinə görə, qatarın aşmasına elə yük səbəb olub.

Belə ki, qatar dəmiryol xəttinin dolama hissəsinə çatdıqda içərisində olan yükün ləngər vurması ağırlığın bir tərəfə düşməsinə gətirib çıxarıb ki, bu da yük vaqonlarının aşmasına şərait yaradıb. Digər bir versiyaya görə isə vaqonlar sürüşərək relsdən çıxıb. Qəza zamanı xəsarət alan olmayıb. Qeyd edək ki, yük qatarında olan keramika materialı Türkiyədən Batumiyə, oradan isə Bakıya gətirilirmiş.

---------
14:05

Azərbaycanın Yevlax rayonunda yük qatarının üç vaqonunun relsdən çıxması və bir vaqonun aşmasına baxmayaraq, dəmir yolu üzrə hərəkət dayanmayıb və hazırda normal rejimdə həyata keçirilir.

Bu barədə cümə axşamı Trend-ə "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov bildirib.

Onun sözlərinə görə, vaqonların relsdən çıxması bu gün səhər baş verib. Hazırda onlar relsə qoyulur.

Xəsarət alan yoxdur. Hazırda xüsusi komissiya hadisənin səbəblərini araşdırır.

Milli.Az

----------
15:44

Videonu izləmək üçün aşağıdakı şəklə klikləyin.